వచ్చే ఏడాది జరగనున్న తమిళనాడు అసెంబ్లీ ఎన్నికల్లో భాజపా-అన్నాడీఎంకే కలిసి పోటీ చేస్తాయని ఆ రాష్ట్ర ముఖ్యమంత్రి పళనిస్వామి ప్రకటించారు. భాజపా-అన్నాడీఎంకే కూటమి అధికారంలోకి వస్తుందని ధీమా వ్యక్తం చేశారు.
రెండు రోజుల పర్యటనలో భాగంగా కేంద్ర హోమంత్రి అమిత్ షా చెన్నైలో పర్యటిస్తున్నారు. లీలా ప్యాలెస్లో నిర్వహించిన కార్యక్రమంలో అమిత్ షా పాల్గొనగా.. ఆయన సమక్షంలో పొత్తుపై ప్రకటన చేశారు పళనిస్వామి.
కార్యక్రమంలో భాగంగా చెన్నై మెట్రో రెండో దశ పనులకు అమిత్ షా దృశ్యమాధ్యమం ద్వారా శంకుస్థాపన చేశారు. తిరువళ్లూరు జిల్లాలో రూ.380 కోట్లతో నిర్మించిన రిజర్వాయర్ను ప్రారంభించారు. మొత్తం రూ. 67వేల కోట్లు విలువైన ప్రాజెక్టులకు శ్రీకారం చుట్టారు.
